د ملي دفاع وزارت وایي؛ د بېلا بېلو قول اردوګانو او قطعاتو ۱۶۶ تنه ځوان منسوبین د عبدالله بن مسعود رض د جګړه ایزو ګډو زده کړو قوماندانۍ د ثقیله وسایطو انجینرۍ او د ماین خنثي کولو (IED-IEDD) له څلور میاشتنیو مسلکي زده کړو څخه وروسته د یو لړ مراسمو په ترڅ کې فارغ شول.
یاد وزارت زیاته کړې، په دې مراسمو کې د تعلیماتو او پرسونل معاونیت مرستیال مولوي باز محمد حمیديد جګړه ایزو ګډو زده کړو قوماندان مولوي نصیب الله مدني او ګڼ شمېر مسولینو او منسوبینو ګډون درلود.
مسولینو نوي فارغان خپلو راتلونکو مسولیتونو ته متوجه کړي او ویلي یې دي، ځانونه د ظاهري اعداد ترڅنګ په باطني اعداد چې تقوا او پرهیزګاري ده سمبال کړئ.
ورته مهال نویو فارغانو ډاډ ورکړی؛ چې د هېواد له خپلواکۍ، ځمکنۍ بشپړتیا او اسلامي ارزښتونو څخه په میړانه به ساتنه کوي.