د یو شمېر نړیوالو رسنیو د راپورونو له مخې برېتانیا، اسرائیلو ته د ۳۰ بېلابېل ډوله وسلو او تجهیزاتو په صادراتو او پلور بندیز لګولی.
د برېټانیا د بهرنیو چارو وزیر ډېوېډ لامي په دې تړاو ويلي؛ دا يو “څرګند ګواښ” دی، چې ښايي دغه وسلې او تجهيزات له نړيوالو قوانینو جدي سرغړونو کې وکارول شي.
نوموړي زیاته کړې، چې هېواد به یې اسرائیلو ته له ۳۵۰ ډوله وسلو څخه د ۳۰ جوازونه وځنډوي.
د راپورونو له مخې په دې وسلو او تجهیزاتو کې د جنګي الوتکو، چورلکو او ډرون الوتکو پرزې هم شاملې دي.
ځینې اسرائیلي چارواکو د برېتانیا دا پرېکړه نهیلي کوونکې ګڼلې ده.