په متحده عربي اماراتو کې د افغانستان اسلامي امارت سفیر مولوي بدرالدین حقاني د خلیفه بن زاید آل نهیان خیریه موسسې له ریيس محمد حاجي الخوري سره وکتل.
په دې کتنه کې دواړو لوریو د افغانستان پر عمومي وضعیت، په ځانګړي ډول له ایران او پاکستان څخه د راستنو شویو افغان کډوالو د ستونزو او اړتياوو په اړه هر اړخیزې خبرې کړې دي.
ښاغلي حقاني له راستنو شویو کډوالو سره د روغتیا او تغذيې په برخو کې د مرستو غوښتنه کړې، چې د یادې خیریه موسسې د ریيس له لوري ډاډ ورکړل شوی دی.