تېره شپه د اسپانیې د فوټبال په غوره لیګ سیالیو کې د ریال مادرید لوبډلې په یوه زړه پورې لوبه کې د ویلنسیا لوبډلې ته ۵-۱ په توپیر ماتې ورکړه.
د ریال لپاره دوه برازیلي لوبغاړو وینسیوسجونیر او رودریګو دوه-دوه ګولونه او دانيکارجول یو ګول ترسره کړه.
د ویلنسیا یواځینې ګول د سیالۍ په وروستیو شېبو کې د هوګودورو له لوري ووهل شو.
په دغه بري سره ریال د دې سیالیو د سر لوبډلې خیرونه پي سي سره د خپلو امتیازونو توپیر دوو ته راښکته کړه او په ۳۲ امتیازونو سره په دوېم مقام کې ځای لري.
د نورستان ولایت د شیخو او دیني علماوو یوه پلاوي، د پوهنې وزارت له سرپرست مولوي حبیب الله اغا سره لیدنه کړې.
دواړو لورو، د یاد ولایت د پوهنې په برخه کې د شته ستونزو او ننګونو په ګډون، د ښوونځیو او مدارسو لپاره د ودانیو د کمښت په اړه هر اړخیزې خبرې کړي.
دغه راز یاد پلاوي، د نورستان ولایت له ښوونیزو خدمتونو څخه بېبرخو سیمو ته په اشارې ویلي؛ له بده مرغه په تېرو ۲۰ کلونو کې د یاد ولایت د پوهنې برخې ته په ځانګړې توګه د دیني زده کړو د ودې او پرمختګ په برخه کې هېڅ پاملرنه نه ده شوې او په دغه ولایت کې یې د ښوونیزو ستونزو د حل په موخه، یو لړ وړاندیزونه او نظریات د وزارت له مشرتابه سره شریک کړي.
د پوهنې وزارت سرپرست د نورستان ولایت د دیني علماوو د راتګ هرکلی کړی او ویلي يي دي؛ د پوهنې وزارت مشرتابه خپلو درنو ولسونو ته ډاډ ورکوي، چې د هېواد په ټولو برخو کې له هر ډول اړیکو پرته به متوازن او متعادل ښوونیز خدمات وړاندې کوي او د پوهنې وزارت ژمن دی، تر څو د هېواد د نوي نسل د روزنې لپاره خپلې هلې ځلې لاپسې زیاتې کړي.
مولوي حبیب الله اغا د نورستان ولایت د علماوو له پلاوي سره ژمنه کړې، چې په نیږدې راتلونکي کې به د یاد ولایت د پوهنې د وضعیت د ارزونې په موخه، دغه ولایت ته رسمي سفر وکړي.
همدارنګه د پوهنې وزارت سرپرست د علماوو ستونزې او نظریات اوریدلي او د حل په موخه یې مسولینو ته لازمې لارښوونې کړي.
۱۴۴۵/۰۴/۲۷ هـ ق
۱۴۰۲/۰۸ تر/۲۰ هـ ش
د ثبت او تثبيت کمېټه:
نن ورځ ۴۲۸ کورنۍ ثبت او ۱۹۴۳ تنه یې بايوميټرک شوي دي، ۷۰ کورنۍ يې تثبیت شوي چې ۵۰ کورنۍ یې تقلبي مهاجر ګڼل شوي دي. همدا راز راستانه شويو مهاجرينو باندې درې زره او ۱۱۳ سيمکارتونه وېشل شوي دي.
د اطلاعاتو او عامه پوهاوي کمېټه:
سلګونه مهاجرینو ته په بېلابېلو برخو کې معلومات ورکړل شوي، د یو شمېر کمېټو سپارښتنې مهاجرينو ته رسول شوي، ۵۰ ورک شوي ماشومان او ۱۰۰ ورقې بېلابېل ورک شوي اسناد خپلو کورنیو او مالکانو ته سپارل شوي، د عامه پوهاوي په برخه کې مهاجرينو سره ناستې شوي او معلومات ورته ورکړل شوي، پنځو رسنيو ته د فعاليت زمینه برابره شوې او دوو کمېټو سره د همغږۍ غونډه وشوه.
د موقتي ميشت کولو کمېټه:
د يو خيريه بنسټ له لوري ۱۰۰ خېمې او ۲۰۰ ترپالونه ترلاسه شول، د ايي او ايم (IOM) له دفتر سره يوه د اوبو ذخيره نصب شوه، شپږ هغه خيمې چې د نوي سرک نقشه پرې راغلې، راټولې او خوندي شوي او د سرک جوړونې څخه څارنه شوې، په کمپ کې د اوبو ذخیرې ډکې شوي.
د روغتیایي چارو او خدماتو کمېټه:
۱۸ زره ۴۵۰ کډوالو باندې خواړه ووېشل، یو زر او ۲۳۲ کمبلې، ۱۱۷ فرشونه، ۴۰۰ جوړه لباسونه، ۱۰۰ بوجۍ اوړه، ۱۰۰۰ بوشکې غوړي، چې د بېلابېلو خيریه مؤسسو له لوري یادې کمېټې ته سپارل شوي وو، په مهاجرینو باندې ووېشل شول.
د مساجدو او زده کړو د تنظيم کمېټه:
یو باب جومات پرانيستل شو، چې له دې سره په دې کمپ کې د جوماتونو شمېر نهه شو، د يوې مؤسسې په همکارۍ ۳۰۰ زده کوونکو باندې قرطاسيه ووېشل شوه.
د ټرانسپورټ او انتقال کمېټه:
۲۹۹ کورنۍ چې یو زر او ۷۹۲ تنه کیږي، د ۵۷ بار وړونکو موټرو په واسطه د هېواد بېلابېلو ولایتونه ته انتقال کړې، همدا راز يې د اوبو د څلورو ټانکرونو په مرسته په کمپ کې نصب شويو ذخيرو ته اوبه رسولي، ۴ عرادې بسونه د مهاجرینو د لېږد او ۵ عرادې رینجر د ورځینو چارو سرته رسولو لپاره مؤظف شوي.
د مالي چارو د تنظيم کمېټه:
د مالي چارو کمېټې نن ورځ ۷۰۰ کورنیو سره، ۱۰ زره افغانۍ نغدي مرسته وکړه.
د کاري فرصتونو برابرولو کمېټه:
دې کمېټې ۸۰۹ کسان ثبت کړي، چې په کې د قرانکریم حافظان، بکلوریا، لیسانس او د حرفوي یا مسلکی زده کړې لرونکي کسان شامل دي.
ـــــــــــــــــــــــــــــــــــ
د ټرانسپورټ او انتقال کمېټه:
د سپين بولدک له لارې ۴۷۱ کورنۍ په ۹۹ موټرو کې د کندهار، نیمروز، هرات، زابل او ننګرهار ولایتونو کې خپلو سيمو ته لېږدول شوي دي او ټولو کورنیو ته ۲۱۰ زره افغانۍ کرایه ورکړل شوې.
د ثبت او تثبيت کمېټه:
۷۲۰ کورنۍ چې د غړیو شمېر یې څلور زره او ۱۲۵ تنه کېدل خپل هېواد ته راستانه شوي، ثبت شوي دي او د مرستې لپاره (IOM) ته معرفي شوي دي، همدا راز د اسلامي امارت له لوري ټولو کورنیو ته د هرې کورنۍ په سر ۱۰ زره افغانۍ مرسته ورکړل شوې ده او یو زر او ۴۹۰ کډوالو ته د بېلابېلو شبکو سیمکارتونه وېشل شوي دي.
د روغتیایي چارو او خدماتو کمېټه:
سپين بولدک، انځرګي او ښوراندام کې اته زره او ۴۶۰ تنو ته ډوډۍ ورکړل شوې ده. يو ګډ پلاوي د شپږو روغتيايي ټيمونو نظارت ترسره کړ، همدا راز د یو زر او ۴۱۵ تنو ناروغانو تداوي شوې، درې زره او ۴۹۷ تنو ته واکسين شوی، ۳۶۰ معاينات ترسره شوي، ۱۲ ناروغان روغتونونو ته لېږدول شوي دي او ۷ تنه په روغتون کې بستر شوي دي.
دا راز په کمپونو کې د نسايي ولادي څانګې فعالې شوې او یو زر او ۴۵۹ بېلابېل ناروغان تداوي شوي دي. همدا راز ۴ ناروغان بستر شوي دي او ۸ ناورغان کندهار ته د تداوۍ په موخه لېږل شوي دي.
د سپین بولدک، ميل پل او ښوراندام کمپ کې د رڼا لپاره لسګونه برقونه نصب شول او ځينې ساحو ته د برېښنا تارونه وغځول شول.
د نويو خېمو برېښا لپاره لسګونه غټ برقونه نصب او د دې لپاره تار وغځول شو.
د ټانکرونو په واسطه ۱۴۰ زره لېټره اوبه د کډوالو د اړتیا لپاره راوړل شوي.
د هرات اسلام کلا له لارې له ايران څخه ۳۲ کورنۍ او مجردان په جبري او داوطلبه توګه راستانه شوي، چې یو زر او ۳۶۴ تنه کيږي. د همکارۍ لپاره (IOM) ته معرفي کړل شول. همدا راز درې زره مهاجرینو ته خواړه ورکول شول او ۵۰۰ نورو ته د شپې ځای او خواړه تيار کړل شول او د روغتیايي خدماتو په برخه کې ۴ عرادې امبولانسونه چمتو شوي.
له ایران څخه د نیمروز ولایت له لارې یو زر او ۹۹۶ تنه اجباري او داوطلب مجرد مهاجرین او ۵۳ کورنۍ چې ۱۹۴ تنه غړي کیږي، خپل هېواد ته راستانه شول. همدا راز ۳۷ کورنۍ چی ۱۳۹ تنه کیږي او ۱۰۴مجردان د مرستې لپاره (IOM) ته معرفي شول چې نغدي او خوراکي توکو مرسته ورسره وشوه.
د انګور اډې له لارې ۸ کورنۍ چې ۵۲ کسان کیږي، خپل هېواد ته راستانه شول، د دې راستانه شویو مهاجرینو ۳۴ تنه یې ناروغان وو چې تداوي يې ترسره شوه او د مالي کمېټې له لوري هرې کورنۍ ته ۱۰ زره افغانۍ ورکړل شوې.
دولس کورنۍ چې د بهرامچې له لارې څه موده مخکې پاکستان څخه راستنې شوې وې، نن خپلو اصلي کورنيو او سيمو ته انتقال کړل شوې.
د مهاجرینو ستونزو ته د رسېدنې عالي کمیسيون دارالانشاء
د پکتیکا ولایت د کرنې اوبو لګولو او مالدارۍ ریاست له لوري په جانخیل، یحي خیل او خیرکوټ ولسوالیو کي په ۳۰ جریبه ځمکه کي د انګورو باغونه جوړېږي.
د کرنې اوبو لګولو او مالدارۍ ریاست مسولينو ویلي؛ په یادو درېو ولسوالیو کي د انګورو باغونه جوړوو، چې په هره ولسوالي کې مو لس جریبه ځمکه ورته ځانګړې کړې دي، چې ټول ۳۰ جریبه کېږي.
د مسولېنو په وینا؛ په یادو باغونو ۱.۵ میلیونه افغانۍ لګښت کېږي، چې د کرنې اوبو لګولو او مالدارۍ ریاست له لوري ورکول کېږي.
په ورته وخت کې د ترکیې هېواد له لوري ۲۰ بزګرانو ته کیمیاوي سري او د غنمو اصلاحي تخم ووېشل شوو او له پلان سره سم به یاد کیمیاوي سري او تخمونه په نورو بزګرانو هم ووېشل شي.
له پاکستان څخه د لړم په ۱۸مه او ۱۹مه ۱۲زره او ۶۷۵ تنه افغان کډوال هېواد ته راستانه شوي.
د کندهار ولايت د سپين بولدک د مهاجرينو چارو امريت د معلوماتو پر بنسټ يو زره او ۵۵۲ کورنۍ، چې ۹ زره او ۴۰ تنه کېږي او ۱۵ تنه نور ازاد شوي افغانان له دې لارې هېواد ته راستانه شوي.
همداراز د ننګرهار ولايت د مهاجرينو چارو رياست د راپور پر بنسټ ۶۶۹ کورنۍ، چې درې زره او ۵۳۹ تنه کېږي، په جبري توګه د تورخم له لارې هېواد ته راستانه شوي دي.
همدارنګه ۱۲ نورې کورنۍ چې ۸۱ تنه کېږي، د هلمند ولايت د بهرامچې ولسوالۍ څخه راستانه شوي.
يادو کورنيو سره د مهاجرينو چارو اداره کې د نومليکنې وروسته د اسلامي امارت له لوري ۱۰ زره افغانۍ مرسته شوې او د نورو مرستو د ترلاسه کولو په موخه د مهاجرت نړۍوال سازمان ته ور پېژندل شوي دي.
غزني کې شپږ تاریخي ابدې چې درې میاشتې وړاندې یې چارې پیل شوې وې، په بنسټیزه توګه ورغول شوې.
د غزني د اطلاعاتو او کلتور رییس ملا حمیدالله نثار ویلي؛ په رغول شویو تاریخي ابدو کې د خواجه ملکیار پرنده، تاج اولیا تاریخي مقبرې، د غزني زاړه ښار بالابین برج او د غزنویانو دورې د دوو څلو د فرش ډبرې شاملې دي.
نوموړي زیاته کړې؛ یادې شپږ تاریخي ابدې د د يونسکو نړيوال سازمان د ۴٫۵ ملیونه افغانيو په مالي ملاتړ د تعلیم او کلتور ECSO موسسې له لوري ورغول شوې.
له دې وړاندې د غزني د اطلاعاتو او کلتور ریاست مسولینو ویلي وو، چې په دغه ولایت کې ۱۰ تاریخي ابدې بیارغونې ته اړتیا لري او یو شمېر یې د نړېدو له ګواښ سره مخ دي.
د ټولګټو وزارت تخنیکي مرستیال مولوي عبد الکریم فاتح، سالنګونو ته د خپل سفر په ترڅ کې د یادي لویې لارې له کاري بهیر څخه د لیدنې ترڅنګ د قراردادي شرکتونو او د یادې پروژې له مسولینو سره لیدنه کړې او هغوی ته یې د کار د چټکتیا او غوره کیفیت په هکله لازمې لارښونې کړي.
ټولګټو وزارت، د سالنګونو لویې لارې د ۸۰ کیلومتره سړک د اساسي ترمیم او بیارغونې کار په دریوو برخو کې له خصوصي سکټور سره قرارداد کړی، چې دا مهال یې کار د تونل په دننه برخه، ۱۶ ګالرۍ او د دریمې برخې کار یې د خنجانو څخه پیل تر دوشي سیمې پوري عملاً جریان لري.
د سالنګونو لویې لارې اړوند د تونل په دننه برخه کې د کانکریټ لومړۍ او دویمه طبقه چې دواړه ۵۷ سانتي متره ضخامت لري د کانکریټ اچونې کار یې ۹۸ سلنه او د دریمې طبقې یا سیخ لرونکي کانکریټ کار چې ۲۸.۵ سانتي متره ضخامت لري؛ ۴۵سلنه بشپړ شوی او دا مهال یې کار جریان لري.
دغه راز د سالنګونو لویې لارې اړوند د ۱۶ ګالرۍ د لومړیو دوه طبقو کار سل سلنه او د دریمې طبقې کار یې ۶۵ سلنه بشپړ شوي، چې په نږدې راتلونکي کې به د تونل د دننه برخې او ۱۶ ګالرۍ د کانکریټ اچونې کار بشپړ شي.
