د چهارشنبې ورځ، د ۱۴۴۶/۱۱/۱۶ هـ قـ نېټه چې ۱۴۰۴/۲/۲۴ هـ ل نېټې سره، سمون خوري.

د هېواد له بېلابېلو لارو څخه افغان کډوال په اجباري توګه راستانه شوي او په بېلابېلو برخو کې ورته اړین خدمات وړاندې شوي چې بشپړ راپور یې په لاندې ډول وړاندې کیږي:

ننـــــــــګرهــــــار

تورخم ډیورنډ فرضي کرښه

د ثبت، تثبیت او استقبال کمېټه:

د تورخم له لارې ۱۸۰ کورنۍ هېواد ته راستنې او یادو کورنیو ۹۰۰ تنه غړي، ثبت او بایمیټریک شوي دي.

د ټرانسپورټ او لېږد کمېټه:

له تورخم څخه ۱۳۳ کورنۍ چې د غړو شمېر یې ۶۷۵ تنه و، ننګرهار، کنړ، لغمان او کابل ته په خوندي توګه لېږدول شوې دي او یادو کورنیو ته ۴۳۰ زره او ۱۰۰ افغانۍ کرایه هم ورکړل شوې ده.

د مالي چارو د تنظیم کمېټه:

د مالي چارو د تنظیم کمېټې له لوري له ۱۴۸ کورنیو سره ټولې یو میلیون او ۱۷۰ زره افغانۍ مرسته شوې ده.

د اطلاعاتو او عامه پوهاوي کمېټه:

 په تورخم کې کډوالو ته عامه پوهاوی ورکړل شو.

یادو کډوالو ته د دوی د ثبت، لیږد، مالي مرستو، لنډ مهاله مېشتېدنې او همدرانکه د هېواد، اسلامي نظام، کډوالۍ، صبر او زغم، ښوونې او روزنې په اړه ګټور پوهاوی ورکړل شو.

د خدماتو او روغتیايي چارو کمېټه:

د تورخم په عمري کمپ کې  راستنېدونکو کډوالو ته د روغتیا په شمول لاندې بېلابېل خدمات وړاندې شوي:

مخابرات: راستنو شویو کډوالو ته ۵۲۳ عدده سیمکارتونه، په وړیا توګه چې وړیا دقیقې او انټرنېټي بستې هم پکې فعاله وې، وېشل شوي دي.

کنــــــــــــــدهار

سپین بولدک ډیورنډ فرضي کرښه

د ثبت، تثبیت او استقبال کمېټه:

د سپین بولدک له لارې ۲۱۱ کورنۍ چې د غړو شمېر یې یو زر او ۲۶۰ تنه و، هېواد ته راستنې او ثبت شوې دي.

د مالي چارو د تنظیم کمېټه:

د مالي چارو د تنظیم کمېټې له لوري له ۲۱۱ کورنیو سره ټولې یو میلیون او ۷۶۶ زره افغانۍ مرسته شوې ده.

د خدماتو او روغتیايي چارو کمېټه:

په سپین بولدک کې  راستنېدونکو کډوالو ته د روغتیا په شمول لاندې بېلابېل خدمات وړاندې شوي:

غذا: په سپین بولدک کې ۱۲۵۸ خوراکه ډوډۍ او اوبه وېشل شوي دي.

روغتیا: په سپین بولدک کې ۶۲۴ تنه راستانه شوي کډوال تداوي شوي دي.

نیمروز

ورېښمو لار

د تثبیت، ثبت او استقبال کمېټه:

د نیمروز ولایت د ورېښمو  له لارې ۱۵۶ کورنۍ چې د غړو شمېر یې ۶۵۶ تنه و، هېواد ته راستنې او ثبت شوي دي او همدا راز یو زر او ۳۶۸ مسافر هېواد ته راستانه شوي دي.

د مالي چارو د تنظیم کمېټه:

د مالي چارو د تنظیم کمېټې له لوري له ۱۴۹ کورنیو سره ټولې یو میلیون او  ۱۱۶ زره افغانۍ مرسته شوې ده.

د اطلاعاتو او عامه پوهاوي کمېټه:

د نیمروز ولایت د ورېښمو په لار کې کډوالو ته عامه پوهاوی ورکړل شو.

یادو کډوالو ته د دوی د ثبت، لیږد، مالي مرستو، لنډ مهاله مېشتېدنې او همدرانکه د هېواد، اسلامي نظام، کډوالۍ، صبر او زغم، ښوونې او روزنې په اړه ګټور پوهاوی ورکړل شو.

پکتیکا

انګور اډه ډیورنډ فرضي کرښه

د ټرانسپورټ او لېږد کمېټه:

له انګور اډې څخه اته کورنۍ چې د غړو شمېر یې ۵۶ تنه و، غزني ته په خوندي توګه لېږدول شوې دي او یادو کورنیو ته ۱۰ زره افغانۍ کرایه هم ورکړل شوې ده.

هلمند

بهرامچه ډیورنډ فرضي کرښه

د تثبیت، ثبت او استقبال کمېټه:

د بهرامچې له لارې ۱۱ کورنۍ چې د غړو شمېر یې ۵۹ تنه و، هېواد ته راستنې او ثبت شوې دي.

نوموړې کورنۍ خپلو سیمو ته لیږدول شوې دي او نغدي کومک هم ورسره شوی دی.

هرات

اسلام کلا

د تثبیت، ثبت او استقبال کمېټه:

د اسلام کلا له لارې ۴۲۰ کورنۍ چې د غړو شمېر یې یو زر او ۵۵۸ تنه و، هېواد ته راستنې او ثبت شوې دي.

د مالي چارو د تنظیم کمېټه:

د مالي چارو د تنظیم کمېټې له لوري له ۴۲۱ کورنیو سره ټولې درې میلیونه او ۸۲ زره افغانۍ مرسته شوې ده.

د ټولو کمېټو د بېلا بېلو کړنو ټولیز ارقام په لاندې توګه دي:

ثبت شوي کډوال:    ۹۳۱ کورنۍ او څلور زره او ۴۳۳ وګړي

لېږدول شوي کډوال:  ۱۴۱ کورنۍ او ۷۳۱ وګړي

مرسته شوي کډوال:   ۹۲۹ کورنۍ

وېشل شوي سیمکارتونه:  ۵۲۳ عدده

د کډوالو او بېرته راستنېدونکو چارو وزیر مولوي عبدالکبیر د اطلاعاتو او فرهنګ وزارت د ځوانانو چارو له مرستیال محمد یونس راشد سره لیدنه کړې.
په دې لیدنه کې محمد یونس راشد ویلي، چې په کابل او ولایتونو کې د ځوانانو لپاره بېلابېل اصلاحي او روزنیز پروګرامونه تر کار لاندې دي، تمه ده چې په هر ولایت کې ګڼ شمېر ځوانان په کې برخه واخلي.
نوموړي زیاته کړې، د ځوانانو چارو معینیت په پام کې لري، چې د کډوالو او بېرته راستنېدونکو چارو وزارت سره په همغږۍ، له ګاونډیو هېوادونو څخه راستنو شویو افغان ځوانانو ته ځانګړي پروګرامونه طرحه او پلي کړي، څو په ټولنه کې د ځوانانو په ادغام کې مرسته وکړي او مسایل ورته روښانه شي.
په دې لیدنه کې، د کډوالو او بېرته راستنېدونکو چارو وزیر د اسلامي امارت د مسولینو د هڅو په ستایلو سره نوي نسل ته د زده کړو په برخه کې د اسانتیاوو پر برابرولو او د دوی پر فکري روزنه ټېنګار کړی دی.
مولوي عبدالکبیر ویلي، د کډوالو او بېرته راستنېدونکو چارو وزارت په بېلابېلو برخو کې راستنو شویو افغانانو ته د اسانتیاوو د برابرولو په برخه هڅې کوي.
دغه‌راز نوموړي د راستنو شویو کډوالو لپاره د روزنـیزو پروګرامونو جوړول اړین بللي او د ځوانانو چارو مرستیال ته یې د همکارۍ ډاډ ورکړی دی.

د کډوالۍ نړیوال سازمان د یوې خبرپاڼې په خپرولو سره ویلي، چې د اپریل له لومړۍ څخه د مې میاشتې تر ۱۲مې نېټې پورې ۱۲۸ زره افغانان له پاکستان څخه هېواد ته راستانه شوي، چې ډېری يې په زور ایستل شوي دي.

یاد سازمان ویلي؛ له ۶۸ زره څخه زیاتو راستنېدونکو سره چې ډېری يې مېرمنې او ماشومان دي؛ د سر سیوري، خوړو، روغتیايي چوپړتیاوو او ساتنې په برخه کې مرستې کړي او په وینا یې، راستېدونکي افغانان زیاتو مرستو ته اړتیا لري.

ورته مهال د کډوالو او بېرته راستنېدونکو چارو وزارت وايي، چې د بېرته راستنېدونکو افغانانو لپاره بشپړ چمتووالی لري.

اقتصاد وزارت بیا ډاډ ورکوي، چې د ملي او نړیوالو همکارو بنسټونو او ادارو سره په همغږۍ له بېرته راستنېدونکو افغانانو سره د مرستو جلب او جذب لړۍ يې فعاله ساتلې ده.

د کډوالو او بېرته راستنېدونکو چارو وزارت د معلوماتو له مخې، اسلامي امارت د بېرته راستنېدونکو افغانانو لپاره د زیاتو مرستو برابرولو ترڅنګ ژمن دی، چې د بیا مېشتېدنې په برخه کې هم هڅې زیاتې کړي.

د ارشاد، حج اوقافو وزارت وایي، چې په مکه مکرمه کې د مناسکو کمېټې مسول مولوي محمد نبي محمدي د مکې مکرمې په سدان ودانۍ کې د افغان حاجیانو له معلمینو سره غونډه کړې.

په دې غونډه کې د حاجیانو د مناسکو لارښوونو، د چارو د ښه تنظیم او د خدماتو د همغږۍ په اړه خبرې شوې دي.

مولوي محمد نبي محمدي ویلي، حاجیان د خدای تعالی مېلمانه دي، او د دوی خدمت زموږ شرعي او اخلاقي مسولیت دی.
نوموړي زیاته کړې، هر معلم مکلف دی، چې افغان حاجیانو ته د حج، عمرې او نورو مناسکو اړوند لارښوونې په منظم ډول وړاندې کړي او د حرم شریف او نورو سپېڅلو ځایونو له ادابو او فضیلتونو سره یې اشنا کړي.

د سه شنبې ورځ، د ۱۴۴۶/۱۱/۱۵ هـ قـ نېټه چې ۱۴۰۴/۲/۲۳ هـ ل نېټې سره، سمون خوري.

د هېواد له بېلابېلو لارو څخه افغان کډوال راستانه شوي او په بېلابېلو برخو کې ورته اړین خدمتونه وړاندې شوي.

بشپړ راپور یې په لاندې ډول وړاندې کیږي:

ننـــــــــګرهــــــار  

تورخم ډیورنډ فرضي کرښه

د ثبت، تثبیت او استقبال کمېټه: 

د تورخم له لارې ۱۷۴ کورنۍ هېواد ته راستنې او یادو کورنیو زر تنه غړي، ثبت او بایمیټریک شوي دي.

د ټرانسپورټ او لېږد کمېټه:

له تورخم څخه ۷۵ کورنۍ چې د غړو شمېر یې ۴۱۱ تنه و، ننګرهار، کنړ، لغمان او کابل ته په خوندي توګه لېږدول شوې دي او یادو کورنیو ته ۳۱۳ زره افغانۍ کرایه هم ورکړل شوې ده.

د مالي چارو د تنظیم کمېټه:

د مالي چارو د تنظیم کمېټې له لوري له ۱۵۳ کورنیو سره ټولې یو میلیون او ۲۴۴زره افغانۍ  مرسته شوې ده.

د اطلاعاتو او عامه پوهاوي کمېټه:

 په تورخم کې کډوالو  ته عامه پوهاوی ورکړل شوی. یادو کډوالو  ته د دوی د ثبت، لیږد، مالي مرستو، لنډ مهاله مېشتېدنې او همدرانکه د هېواد، اسلامي نظام، کډوالۍ، صبر او زغم، ښوونې او روزنې په اړه ګټور پوهاوی ورکړل شوی.

د خدماتو او روغتیايي چارو کمېټه:

د تورخم په عمري کمپ کې  راستنېدونکو کډوالو  ته د روغتیا په شمول لاندې بېلابېل خدمات وړاندې شوي:

مخابرات: راستنو شویو کډوالو  ته ۴۴۸ عدده سیمکارتونه، په وړیا توګه چې وړیا دقیقې او انټرنېټي بستې هم پکې فعاله وې، وېشل شوي دي.

کنــــــــــــــدهار

سپین بولدک ډیورنډ فرضي کرښه

د ثبت، تثبیت او استقبال کمېټه: 

د سپین بولدک له لارې ۱۸۵ کورنۍ چې د غړو شمېر یې یو زر او ۵۰ تنه و، هېواد ته راستنې او ثبت شوي دي.

د ټرانسپورټ او لېږد کمېټه:

له سپین بولدک څخه ۴۵کورنۍ چې د غړو شمېر یې ۶۵۱ تنه و، کندهار، هلمند، فر اه، هرات، غزني او کابل ته په خوندي توګه لېږدول شوي دي او یادو کورنیو ته ۵۷۹ زره او ۸۰۰ افغانۍ کرایه هم ورکړل شوې ده.

د مالي چارو د تنظیم کمېټه:

د مالي چارو د تنظیم کمېټې له لوري له ۱۸۳ کورنیو سره ټولې یو میلیون او ۵۸۴ زره افغانۍ مرسته شوې ده.

د خدماتو او روغتیايي چارو کمېټه:

په سپین بولدک کې  راستنېدونکو کډوالو  ته د روغتیا په شمول لاندې بېلابېل خدمات وړاندې شوي:

خواړه: په سپین بولدک کې ۸۵۴ خوراکه ډوډۍ او اوبه ویشل شوي دي. 

روغتیا: په سپین بولدک کې ۴۸۵ تنه راستانه شوي کډوالو درملنه شوې ده.

مخابرات: د مخابراتي خدماتو د ادارې له لوري، راستنو شویو کډوالو  ته ۱۳۰ عدده سیمکارتونه په وړیا توګه چې وړیا دقیقې او د انټرنټي بستې هم پکې فعاله وې، وېشل شوي دي.

نیمروز

ورېښمو لار

د تثبیت، ثبت او استقبال کمېټه:

د نیمروز ولایت د ورېښمو  له لارې ۱۶۱ کورنۍ چې د غړو شمېر یې ۴۳۳ تنه و، هېواد ته راستنې او  ثبت شوي دي او همدا راز یو زر او ۴۴۷ مسافر هېواد ته راستانه شوي دي.

د ټرانسپورټ او لېږد کمېټه:

له نیمروز څخه درې کورنۍ چې د غړو شمېر یې ۱۸ تنه و، فراه ته په خوندي توګه لېږدول شوې دي.

د مالي چارو د تنظیم کمېټه:

د مالي چارو د تنظیم کمېټې له لوري له ۱۵۱ کورنیو سره ټولې یو میلیون او ۲۱۴ زره افغانۍ مرسته شوې ده.

د خدماتو او روغتیايي چارو کمېټه:

د نیمروز د ورېښمو په لار کې راستنه شویو کډوالو  ته د روغتیا په شمول لاندې بیلابیل خدمات وړاندې شوي:

روغتیا: په ورېښمو لار کې ۱۸۹ تنه راستانه شوي کډوال تداوي شوي دي.

د اطلاعاتو او عامه پوهاوي کمېټه:

د نیمروز ولایت د ورېښمو په لار کې کډوالو  ته عامه پوهاوی ورکړل شوی. یادو کډوالو  ته د دوی د ثبت، لیږد، مالي مرستو، لنډ مهاله مېشتېدنې او همدرانکه د هېواد، اسلامي نظام، کډوالۍ، صبر او زغم، ښوونې او روزنې په اړه ګټور پوهاوی ورکړل شوی.

پکتیکا

انګور اډه ډیورنډ فرضي کرښه

د تثبیت، ثبت او استقبال کمېټه:

پکتیکا انګور اډې  له لارې ۱۱ کورنۍ چې د غړو شمېر یې ‍۶۴ تنه و، هېواد ته راستنې او  ثبت شوي دي.

د اطلاعاتو او عامه پوهاوي کمېټه:

د پکتیکا انګور اډه کې کډوالو  ته عامه پوهاوی ورکړل شوی. یادو کډوالو  ته د دوی د ثبت، لیږد، مالي مرستو، لنډ مهاله مېشتېدنې او همدرانکه د هېواد، اسلامي نظام، کډوالۍ، صبر او زغم، ښوونې او روزنې په اړه ګټور پوهاوی ورکړل شوی.

هلمند

بهرامچه ډیورنډ فرضي کرښه

د تثبیت، ثبت او استقبال کمېټه:

د بهرامچې له لارې پینځه کورنۍ چې د غړو شمېر یې ۲۰ تنه و، هېواد ته راستنې او  ثبت شوي دي.

نوموړې کورنۍ خپلو سیمو ته لیږدول شوې دي او نغدي کومک هم ورسره شوی دی.

هرات

اسلام کلا

د تثبیت، ثبت او استقبال کمېټه:

د اسلام کلا له لارې ۳۶۱ کورنۍ چې د غړو شمېر یې ۱۴۲۷ تنه و، هېواد ته راستنې او  ثبت شوي دي.

د مالي چارو د تنظیم کمېټه:

د مالي چارو د تنظیم کمېټې له لوري له ۳۵۹ کورنیو سره ټولې دوه میلیونه او ۶۳۲ زره افغانۍ مرسته شوې ده.

کابل

مرکز

د ټراسپورټ او لیږد کمېټه:

له کابل څخه ۹۴ کورنۍ چې د غړو شمېر یې ۵۳۱ تنه و، پکتیا، خوست، لغمان، ننګرهار، بغلان، کندوز، تخار، سمنګان، بلخ، بدخشان، فاریاب او سرپل ته په خوندي توګه لېږدول شوې دي او یادو کورنیو ته ۳۵۱ زره او ۶۰۰ افغانۍ کرایه هم ورکړل شوې ده.

د ټولو کمېټو د بېلا بېلو کړنو ټولیز ارقام په لاندې توګه دي:

ثبت شوي کډوال:    ۸۹۷ کورنۍ او درې زره او ۹۹۴ وګړي

لېږدول شوي کډوال:  ۲۱۴ کورنۍ او یو زر او ۵۹۳ وګړي

مرسته شوي کډوال:   ۸۴۶ کورنۍ

وېشل شوي سیمکارتونه:  ۵۷۸ عدده

د عمرې او سیاحتې شرکتونو مسولین وایې، چې د اسلامي امارت له بیا واکمنۍ وروسته ورته د پخوا پرتله په ټولو برخو کې اسانتیاوې برابرې شوې دي.

یاد مسولین همداراز د کورنیو او بهرنیو خلکو لپاره د غوره خدمتونو ډاډ ورکوي.

بلخوا د اطلاعاتو او کلتور وزارت د ګرځندوی مرستیال مولوي قدرت الله جمال له سیاحتي شرکتونو غوښتنه کړې، چې له سېلانیانو سره غوره چلند وکړي.

د یاد وزارت مسولین زیاتوي، د سېلانیانو لپاره یې د افغانستان د سم انځور وړاندې کولو په موخه ځانګړی انستیتوټ جوړ کړی دی.

ورته مهال د عدلي او ټرانسپورت وزارتونو مسولین په سیاحتي برخه کې د هر ډول همکاریو ډاډ ورکوي او د خدمتونو د لا معیاري کولو او په دې برخو کې هېوادوالو ته د اسانتیاوو په رامنځته کېدو ټینګار کوي.

د افغانستان برېښنا شرکت عمومي اجراییوي رییس ډاکټر عبدالباري عمر او ورسره مل پلاوي د تاجیکستان هېواد د انرژۍ له وزیر دلیر جمعه سره لیدنه وکړه.

دې لېدنه کې د کاسا ۱۰۰۰ پروژې ترڅنګ د برېښنا انرژۍ لېږد او اقتصادي موضوعاتو په اړه خبرې وشوې.

د تاجیکستان هېواد د انرژۍ وزیر د افغانستان اسلامي امارت استازي ته د ښه راغلاست ترڅنګ وویل، له افغانستان سره د یو مسلمان ګاونډي هېواد په توګه د انرژۍ لېږد، ثبات او امنیت برخه کې ګډ کار کوي.

ډاکټر عبدالباري عمر د تاجیکستان لوري له بلنې مننه وکړه او ویې ویل، افغانستان له تاجیکستان سره ګڼو برخو کې ګډ مشترکات لري.

نوموړي زیاته کړه؛ اسلامي امارت تل هڅه کوي، چې له ټولو نړیوالو په تېره ګاونډیو اسلامي هېوادونو سره ښې اقتصادي او سیاسي اړیکې ولري.

ناسته کې ښاغلي عمر، افغانستان کې د برېښنا برخه کې د سترو زمینو او رامنځته شویو اسانتیاوو په اړه معلومات ورکړل.

د ناستې پای کې دواړو لوریو ژمنه وکړه، چې د دوو ګاونډیو اسلامي هېوادونو په توګه به د برېښنا انرژۍ هر اړخیز ثبات برخه کې په ګډه کار کوي.