د چهارشنبې ورځ، د ۱۴۴۶/۱۱/۹ هـ قـ نېټه چې ۱۴۰۴/۲/۱۷ هـ ل نېټې سره، سمون خوري.
د هېواد له بېلابېلو لارو څخه افغان کډوال په زرو راستانه شوي او په بېلابېلو برخو کې ورته اړین خدمات وړاندې شوي دي، چې بشپړ راپور یې په لاندې ډول وړاندې کیږي:
ننـــــــــګرهــــــار
تورخم ډیورنډ فرضي کرښه
د ثبت، تثبیت او استقبال کمېټه:
د تورخم له لارې ۲۶۳ کورنۍ هېواد ته راستنې او یادو کورنیو یو زر او ۸۰۰ تنه غړي، ثبت او بایمیټریک شوې دي.
د لنډمهاله مېشتېدنې کمېټه:
د تورخم په عمري کمپ کې ۱۹۶ کورنۍ په لنډمهاله ډول مېشتې کړل شوې دي.
د اطلاعاتو او عامه پوهاوي کمېټه:
په تورخم کې کډوالو ته عامه پوهاوی ورکړل شو.
یادو کډوالو ته د دوی د ثبت، لیږد، مالي مرستو، لنډ مهاله مېشتېدنې او همدرانکه د هېواد، اسلامي نظام، کډوالۍ، صبر او زغم، ښوونې او روزنې په اړه ګټور پوهاوی ورکړل شو.
د خدماتو او روغتیايي چارو کمېټه:
د تورخم په عمري کمپ کې راستنېدونکو کډوالو ته د روغتیا په شمول لاندې بېلابېل خدمات وړاندې شوي:
مخابرات: راستنو شویو کډوالو ته ۸۱۵ عدده سیمکارتونه، په وړیا توګه چې وړیا دقیقې او انټرنېټي بستې هم پکې فعاله وې، وېشل شوي دي.
کنــــــــــــــدهار
سپین بولدک ډیورنډ فرضي کرښه
د ثبت، تثبیت او استقبال کمېټه:
د سپین بولدک له لارې ۲۰۰ کورنۍ چې د غړو شمېر یې یو زر او ۱۲۵ تنه و، هېواد ته راستنې او ثبت شوې دي.
د ټرانسپورټ او لېږد کمېټه:
له سپین بولدک څخه ۱۷۶ کورنۍ چې د غړو شمېر یې ۹۹۷ تنه و، کندهار، هلمند، زابل، هرات، پکتیکا، پکتیا، غزني او کابل په خوندي توګه لېږدول شوې دي او یادو کورنیو ته ۹۹۳ زره او ۳۰۰ افغانۍ کرایه هم ورکړل شوې ده.
د مالي چارو د تنظیم کمېټه:
د مالي چارو د تنظیم کمېټې له لوري له ۴۱۴ کورنیو سره ټولې درې میلیونه او ۴۹۴ زره افغانۍ مرسته شوې ده.
د لنډمهاله مېشتېدنې کمېټه:
په سپین بولدک کې ۱۵۹ کورنۍ په موقت ډول مېشتې کړل شوي دي.
د خدماتو او روغتیايي چارو کمېټه:
په سپین بولدک کې راستنېدونکو کډوالو ته د روغتیا په شمول لاندې بېلابېل خدمات وړاندې شوي:
غذا: په سپین بولدک کې ۱۰۰۲ خوراکه ډوډۍ او اوبه وېشل شوې دي.
روغتیا: په سپین بولدک کې ۲۱۷ تنه راستانه شويو کډوالو درملنه شوې ده.
مخابرات: د مخابراتي خدماتو د ادارې له لوري، راستنو شویو کډوالو ته ۱۵۱ عدده سیمکارتونه په وړیا توګه چې وړیا دقیقې او د انټرنټي بستې هم پکې فعاله وې، وېشل شوي دي.
نیمروز
ورېښمو لار
د تثبیت، ثبت او استقبال کمېټه:
د نیمروز ولایت د ورېښمو له لارې ۲۲۳ کورنۍ چې د غړو شمېر یې ۹۹۹ تنه و، هېواد ته راستنې او ثبت شوې دي او همدا راز یو زر او ۵۲۶ مسافر هېواد ته راستانه شوي دي.
د مالي چارو د تنظیم کمېټه:
د مالي چارو د تنظیم کمېټې له لوري له ۲۱۷ کورنیو سره ټولې یو میلیون او ۷۰۴ زره افغانۍ مرسته شوې ده.
د لنډمهاله مېشتېدنې کمېټه:
په نیمروز کې ۱۰۰ کورنۍ په موقت ډول مېشتې کړل شوي دي.
د خدماتو او روغتیايي چارو کمېټه:
د نیمروز د ورېښمو په لار کې راستانه شویو کډوالو ته د روغتیا په شمول لاندې بېلابېل خدمات وړاندې شول:
مخابرات: د مخابراتو او معلوماتي ټکنالوژۍ د مسولینو له لوري ۲۲۳ عدده سیم کارتونه کډوالو ته په وړیا توګه چې وړیا دقیقې او د انټرنټي بستې هم پکې فعاله وې، وېشل شوي دي.
د اطلاعاتو او عامه پوهاوي کمېټه:
د نیمروز ولایت د ورېښمو په لار کې کډوالو ته عامه پوهاوی ورکړل شو.
یادو کډوالو ته د دوی د ثبت، لیږد، مالي مرستو، لنډ مهاله مېشتېدنې او همدرانکه د هېواد، اسلامي نظام، کډوالۍ، صبر او زغم، ښوونې او روزنې په اړه ګټور پوهاوی ورکړل شو.
پکتیکا
انګور اډه ډیورنډ فرضي کرښه
د تثبیت، ثبت او استقبال کمېټه:
پکتیکا انګور اډې له لارې درې کورنۍ چې د غړو شمېر یې ۳۰ تنه و، هېواد ته راستنې او ثبت شوې دي.
د ټرانسپورټ او لېږد کمېټه:
له انګور اډې څخه څلور کورنۍ چې د غړو شمېر یې ۲۲ تنه و، غزني ته په خوندي توګه لېږدول شوې دي او یادو کورنیو ته اووه زره افغانۍ کرایه هم ورکړل شوې ده.
د لنډمهاله مېشتېدنې کمېټه:
په پکتیکا انګور اډه کې څلور کورنۍ په موقتي کمپ کې مېشتې کړل شوې دي.
هلمند
بهرامچه
د تثبیت، ثبت او استقبال کمېټه:
د بهرامچې له لارې ۲۸ کورنۍ چې د غړو شمېر یې ۱۵۱ تنه و، هېواد ته راستنې او ثبت شوې دي.
یادې کورنۍ خپلو سیمو ته لیږدول شوې دي او نغدي مرسته هم ورسره شوې ده.
هرات
اسلام کلا
د تثبیت، ثبت او استقبال کمېټه:
د اسلام کلا له لارې ۲۵۱ کورنۍ چې د غړو شمېر یې ۸۷۳ تنه و، هېواد ته راستنې او ثبت شوې دي.
د مالي چارو د تنظیم کمېټه:
د مالي چارو د تنظیم کمېټې له لوري له ۲۵۰ کورنیو سره ټولې یو میلیون او ۸۲۰ زره افغانۍ مرسته شوې ده.
کابل
مرکز
د ټراسپورټ او لیږد کمېټه:
له کابل څخه ۱۳۷ کورنۍ چې د غړو شمېر یې ۶۶۶ تنه و، غزني، لوګر، خوست، پکتیا، پکتیکا، بغلان، تخار، بلخ، جوزجان، کندوز او نورو ولایتونو ته په خوندي توګه لېږدول شوې دي او یادو کورنیو ته ۴۲۴ زره او ۹۰۰ افغانۍ کرایه هم ورکړل شوې ده.
د ټولو کمېټو د بېلا بېلو کړنو ټولیز ارقام په لاندې توګه دي:
ثبت شوي کډوال: ۹۶۸ کورنۍ او څلور زره او ۹۷۸ وګړي
لېږدول شوي کډوال: ۳۱۷ کورنۍ او یو زر او ۶۸۵ وګړي
مرسته شوي کډوال: ۸۸۱ کورنۍ
موقت ميشت شوي کډوال: ۴۵۹ کورنۍ
وېشل شوي سیمکارتونه: یو زر او ۱۸۹ عدده
