د اطلاعاتو او کلتور وزارت د ګرځندوی، مالي او اداري چارو مرستیال مولوي قدرت الله جمال د خپل رسمي سفر په ترڅ کې د بغلان ولايت په مرکزي بغلان ولسوالۍ کې د ستر محدث امام قتیبه بن سعید بغلاني رحمة الله علیه له زیارت څخه لیدنه وکړه.
د دې لیدنې پر مهال د بغلان د اطلاعاتو او کلتور رییس مولوي اسدالله مصطفی هاشمي ویلي؛ د دې ولایت یو شمېر فرهنګي، کلتوري او تاریخي سیمې د ویجاړېدو له ګواښ سره مخ دي.
دغهراز نوموړي غوښتنه کړې، چې د بودیجې په ځانګړي کولو سره دې اطلاعاتو او کلتور وزارت د بغلان د لرغونو ځایونو بیا احیا او رغونې ته کار وکړي.
د اطلاعاتو او کلتور وزارت د ګرځندوی، مالي او اداري چارو مرستیال مولوي قدرت الله جمال د ستر محدث امام قتیبه بن سعید بغلاني رحمة الله علیه روح ته د دعا کولو ترڅنګ په خپلو خبرو کې ویلي؛ په بغلان ولایت کې د کلتوري، تاریخي او فرهنګي سيمو بیارغونه د اطلاعاتو او کلتور وزارت لومړیتوب دی.
نوموړی زیاتوي، چې د ځمکې تر غوراوي او کروکي وروسته به معلومات له وزارت سره شریک کړي، چې د توپوګرافي سروې او پلان جوړولو په موخه اړوندو څانګو باندې حکم ورکړي.
لوګر ولایت کې د کور او ښار جوړولو رییس وایي، د یاد ولایت مرکز او ولسوالیو کې اووه ښارګوټي جوړېږي، چې د پینځه نورو لپاره به هم اقدامات وکړي.
د اطلاعاتو او کلتور وزارت د ګرځندوی، مالي او اداري چارو مرستیال مولوي قدرت الله جمال او مل پلاوي کندوز ولایت ته د خپل رسمي سفر په ترڅ کې د دغه ولایت د طلاعاتو او کلتور ریاست له کارکوونکو سره لیدنه کړې.
په پیل کې مولوي قدرت الله جمال ویلي؛ کندوز ولایت ته یې د سفر موخه د اطلاعاتو او کلتور ریاست اړوند اداري له چارو څخه لیدنه، د پرمختګونو څخه راپور تر لاسه کول، مسولینو ته د چارو د ښه والي په موخه لازمې مشورې ورکول او د نورو اسانتیاوو رامنځته کول دي، ترڅو خدمتونه پراخ او خلګو ته اسانتیاوې برابرې شي.
ښاغلي جمال د اطلاعاتو او کلتور ریاست اړوند امریتونو د مسولینو خبرې اوریدلي او د حل کولو په موخه یې ډاډ ورکړی، چې شته ستونزې به هوارې کړي.
نوموړي په خپلو خبرو کې د اطلاعاتو او کلتور ریاست رسنیزې او فرهنګي چارې مثبتې یادې کړې او او ویلي یې دي، چې په دې برخه کې دې نورې هڅې هم ګړندۍ شي.
