د اسلامي امارت د عامې روغتیا وزیر مولوي نور جلال جلالي پخپل کاري دفتر کې د افغانستان لپاره د ایران له سفیر علي رضا بیکدلي سره لیدنه وکړه.
په دې کتنه کې د سرطان په برخه کې د روغتیايي کارکوونکو د ظرفیت لوړونې، د اړینو طبي تجهیزاتو برابرولو، د کابل په افشار او بامیان ولایت کې د جوړېدونکو روغتونونو پر څرنګوالي، د روغتیايي کارکوونکو ظرفیت لوړولو او د روغتیا په برخه کې د دوه اړخیزو همکاریو اړوند خبرې شوې دي.
مولوي نور جلال جلالي د سرطاني ناروغیو په برخه کې د روغتیایي کارکوونکو د ظرفیت لوړونې، طبي تجهیزاتو برابرولو، د ناروغیو اړوند څېړنې او تحقیقاتو، افغانستان ته د با کیفیته درملو او عصري طبي تجهیزاتو را واردولو او د کابل او بامیان ولایت د جوړېدونکو روغتونونو پر څرنګوالي او وضعیت مفصلې خبرې کړې دي.
د ایران سفیر د روغتیا برخه کې د همکارۍ ډاډ ورکړی او په نږدې راتلونکي کې یې په کابل او بامیان ولایت کې د جوړېدونکو روغتونونو د چارو بیا ځلي پیل ډاډ څرګند کړی او د سرطان په برخه کې یې د ظرفیت لوړونې د پروګرامونو ژمنه کړې ده.