له نړیوالو بندیزونو سره – سره اقتصاد وزارت وایي، تېر کال اسلامي امارت له خپلې پراختیایي بودیجې څخه ۳۷۰ اساسي پراخیتايي او ۸۷۳ پراختیايي فرعي پروژې پلې کړې دي.
یاد وزارت همداراز زیاتوي، چې د بشري ملاتړ په موخه تېر کال ۶۲۱ پروژې بهرنیو همکارو موسسو او یو زر او ۳۱۸ پروژې کورنیو موسسو او بنسټونو پلې کړې دي.
بلخوا د اقتصادي چارو کارپوهان دا ډول پروژې د هېواد په اقتصادي برخه کې اړینې بولي او پر دوام يي ټینګار کوي.
تر دې وړاندې اسلامي امارت او عام ولس څو ځلې پر نړېوالې ټولنې غږ کړی چې د افغانستان کنګل شوې میلیاردونه ډالره شتمني ازاده کړي، ترڅو د هېواد په اقتصادي برخه کې ترې په سم ډول کار واخیستل شي.