د پوهنې وزیر مولوي حبیب الله آغا نن په یوه ورځني رسمي سفر لوګر ولایت تللی دی.
د پوهنې وزیر د لوګر ولایت د پوهنې ریاست له مسوولینو سره د یاد ولایت د تعلیمي وضعیت په اړه خبرې کړې دي.
مولوي حبیب الله اغا په لوګر کې د دیني مدرسو د ۳۵۳ طلبای کرامو د ثانویه او مافوق ثانویه مرحلو د روانو ګډو ازموینو څخه لیدنه کړې ده.
نوموړي د یادې ازموینې برخه والو ته په خپلو څرګندونو کې ویلي، چې د پوهنې وزارت په ټول هېواد کې له ټولو امکاناتو څخه په ګټه اخیستلو د ښوونیزو بنسټونو زدهکوونکو ته د لیلیې امکاناتو په لرلو سره د زدهکړو ښه امکانات برابر کړي دي.
دغهراز د پوهنې وزیر د یادې ازموینې برخه وال، د هېواد راتلونکي دیني عالمان بللي او له دوی څخه یې غوښتي، چې ځانونه د دیني او عصري علومو په ګاڼه ښه سمبال کړي.