د هرات ولایت مقام رسنیز دفتر وايي، په تېر ۲۰۲۵ میلادي کال کې د یاد ولایت په صنعتي ښارګوټي کې شاوخوا ۳۵۰ لویو او کوچنیو کارخونو په فعالیت پیل کړی دی.
د یاد ولایت په صنعتي ښارګوټي کې پانګوالو ته لازمې اسانتیاوې، د تعرفو کموالی، خامو موادو ته اسانه لاسرسی، سوداګرو ته د جوازونو د ورکړې اسانتیاوې د کاروخونو د فعالیتونو د زیاتوالي لاملونه بلل شوي دي.
د یاد دفتر په وینا، د هرات په صنعتي ښارګوټي کې د کارخونو فعالیت د داخلي تولیداتو د زیاتوالي تر څنګ سلګونو خلکو ته د کار زمینه هم برابره کړې ده.