د روسیې په پلازمېنه مسکو کې د افغانستان اسلامي امارت په لوی سفارت کې د اطلاعاتو او کلتور وزارت کلتوري اتشې فضلالهادي حمزه، د نړۍ د خلکو د عمومي اسامبلې په رسمي بلنه، د «عربي نړۍ د روسي هنرمندانو/نقاشانو له لیده» تر سرلیک لاندې جوړ شوي کلتوري پروګرام کې ګډون کړی.
په روسیه کې د افغانستان سفارت وایي، چې په دغه کلتوري پروګرام کې د یادې اسامبلې ځانګړو استازو، د کریمیا جمهوریت د دولت استازو، د روسیې فدراسیون د بهرنیو چارو وزارت استازو، د عربي نړۍ د هېوادونو ډیپلوماتیکو استازو او سفیرانو او همداراز روسي هنرمندانو ګډون کړی و.
د یاد پروګرام په لړ کې ښاغلي فضلالهادي حمزه د اسامبلې له عمومي استازي او د عربي نړۍ د هېوادونو له ډیپلوماتانو سره د کلتوري اړیکو د رامنځته کولو او ټینګښت په اړه هر اړخیزې خبرې کړې دي.