د ترکیې ولسمشر رجب طیب اردوغان او د سعودي عربستان ولیعهد محمد بن سلمان تېره ورځ (سېشنبه، د سلواغې ۱۴مه) په ریاض کې سره لیدنه کړې.
العربیه خبري شبکې راپور ورکړی، چې په دې لیدنه کې دواړو لوریو د دوه اړخیزه اقتصادي اړیکو، د ایران موضوع، په سیمه کې د تاوتریخوالي د کمولو د هڅو او د سوریې او یمن د حالاتو په اړه خبرې کړي.
دغهراز په دې لیدنه کې د ترکیې ولسمشر د سوریې د ثبات لپاره د انقرې د ملاتړ پر دوام ټینګار کړی او زیاته کړې یې ده، چې هېواد یې د سوریې د بیا رغونې لپاره له سعودي عربستان سره خپلې همکارۍ ته دوام ورکوي.