د روسیې د بهرنیو چارو وزیر سرګي لاوروف له خپل عماني سیال بدر بن حمد البوسعیدي سره په یوه ټلیفوني اړیکه کې د ایران او امریکا ترمنځ په مسقط کې د ترسره شویو مذاکراتو د وضعیت په تړاو خبرې کړې دي.
د روسیې ټاس خبري اژانس راپور ورکړی، چې دې ټلیفوني خبرو کې دواړو لوریو د سیمې د ثبات د تضمین لپاره د منلو وړ هوکړې ته د رسېدو په موخه د خبرو اترو بهیر د دوام پر اړتیا ټینګار کړی.
د راپور له مخې، ښاغلي لاوروف په روانو خبرو اترو کې د عمان له هڅو هم مننه کړې ده.