د ایران د بهرنیو چارو وزیر سید عباس عراقچي د اسرائیلي رسنیو د راپورنو په غبرګون کې ویلي، په ایران کې د وروستیو لاریونونو وروسته هېڅ لاریونکوونکی نه دی اعدام شوی.
دغه څرګندونې داسې مهال شوې چې له دې وړاندې اسرائیلي رسنیو راپور ورکړی و، چې ایران د برید د مخنیوي په موخه امریکا ته دوکه ورکړې او زرګونه کسان یې پټ اعدام کړي.
وړاندې د امریکا ولسمشر ډونالډ ټرمپ ویلي و، چې د اعدامونو د ترسره کولو په صورت کې به د ایران پر وړاندې جدي غبرګون وښیي.