افغان کرېکټ ملي لوبډلې د ۲۰۲۶ کال د کرکټ شلاوریز نړۍوال جام سیالیو په لړ کې خپله درېیمه لوبه له متحده عربي امارتو وګتله.
د لوبې پچه افغان لوبډلمشر راشد خان وګټله او خپله یې د توپاچونې پرېکړه وکړه.
متحده عربي امارتو لوبډلې په ټاګل شویو ۲۰ اورونو کې، شعیب خان د ۶۸، علیشان شرافو۴۰ او د سعید حیدر د ۱۳ منډو پر مټ افغان لوبډلې ته د ۱۶۱ منډو هدف وټاکه.
په دې پاڼۍ کې د افغانستان لپاره عظمت الله عمرزي څلور، مجيب الرحمان دوه او راشد خان يو لوبغاړی وسوځاوه.
په ځواب کې یې افغان لوبډلې ټاکل شوی هدف د پینځو لوبغاړو په زیان سره د لوبې په ۱۹.۲ اور کې پوره کړ او د ۵ ویکټو په توپیر یې سیالې لوبډلې ته ماتې ورکړه.
عظمت الله عمرزی په ۴۰ منډو او د ۴ ویکټو په اخیستو د لوبې غوره لوبغاړی شو.
د یادونې وړ ده، چې د افغانستان څلورمه لوبه به د کاناډا ملي لوبډلې پر وړاندې د فبرورۍ میاشتې په ۱۹مه نېټه د ماښام په ۷:۰۰ بجو پیل شي.