د غور ولایت په پسابند او تیوره ولسوالیو کې د څهباندې ۱۳ میلیونه افغانیو په ارزښت د اوبو رسولو د دوو شبکو د جوړولو چارې پیل شوې.
په دې شبکو کې د دوو څاهګانو کیندل، د پاکو اوبو د دوو ذخیرو جوړول، د ۲۵ زره او ۲۷۳ مترو په اوږدوالي پایپ غځول، د ۲۰۵ شیردهنونو او ۳۴ سولرو نښلول شامل دي.
د یادو شبکو د چارو په پيل سره به لسګونه کاریګرو ته د کار زمینه برابره شي او په بشپړېدو سره به یې ۴۶۸ کورنۍ د څښاک له پاکو اوبو برخمنې شي.