د اوبو او انرژۍ وزارت وایي، د غزني ولایت په قرهباغ ولسوالۍ کې د دوه میلیونه او ۸۰۰ زره افغانیو په ارزښت د زردالو بند جیوتخنیک سروې پیل شوه.
یاد وزارت زیاته کړې، چې د یاد بند سروې به د درېیو میاشتو په موده کې بشپړه او له هغې وروسته به یې عملي چارې پیل شي.
دې وزارت د معلوماتو له مخې، د دغه بند د چارو په بشپړېدو سره به ۱۱ سوه هکټاره کرنیزه ځمکه خړوبه شي.
د یادونې وړ ده، چې د یاد بند د جیوتخنیک سروې د اوبو او انرژۍ وزارت له پراختیایي بودیجې څخه ترسره کېږي.