کابل والي شیخ محمد قاسم خالد داهل تشیع هېواوالو په خاتم النبین مدرسه کې د میلاد نبي ص په غونډه کې ویلي؛ د خوښي ځای دی، چې د اسلامي امارت په واکمنېدو سره د میلاد نبي ص ختمونه په ښه امنیت او ډاډمنه فضا کې ترسره کیږي.
شیخ محمد قاسم خالد زیاته کړې، چې د حضرت محمد ص میلاد یو لوی پیغام لري، ترڅو مسلمانان خپل ژوند د پیغمبر ص په سنتو برابر کړي.
کابل والي د دې مراسمو له ګډونوالو غوښتنه کړې، چې د پیغمبر ص ژوند او سیرت مطالعه او خپل کړه وړه د هغه په لاره برابر کړي.
نوموړي یادې غونډې ته په خطاب کې ویلي؛ محمد ص د ټول عالم لپاره رحمت وو او موږ باید له ځانه باید د پیغمبر ص محبین جوړ کړو.
شیخ محمد قاسم خالد ټینګار کړی، چې د ملت ترمنځ د یووالي رامنځته کول او ټینګښت د دیني علماوو دیني او ملي وجیبه ده او افغان ولسونه باید د حضرت محمد ص په سنت او سیرت ځان برابر کړي.