اسلامي امارت په هېواد کې کورنۍ او بهرنۍ پانګونې ته زمینه برابره کړې ده، چې د روان۱۴۰۲ لمریز کال په لړ کې لسګونو کورنیو او بهرنیو کمپنیو په مختلفو سکټورونو کې د شاوخوا ۱۰میلیارده او ۶۵۴ میلیون ډالرو په ارزښت پانګونې ته لېوالتیا ښودلې ده.
له کورنیو او بهرنیو کمپنیو سره د کانونو ویستنې او پروسس، برېښنا لېږد او زېربناوو جوړولو په برخه کې قراردادونه ترسره شوي دي، چې د پانګونې ټولیز ارزښت یې تر شپږ میلیارده او ۶۸۲ میلیون ډالرو ته رسیږي.
همدارنګه د بېښنا د تولید، سوداګریزو مرکزونو او اقتصادي زونونو جوړولو، ټرانسپورټ، برېښنايي حکومتولۍ، د ګمرکونو عصري کولو او نورو برخو کې به هم په نېږدې راتلونکي کې له کورنیو او بهرنیو کمپنیو سره قراردادونه لاسلیک شي.