د ټولګټو وزارت له لوري د نورستان – کنړ عمومي سړک اړوند په واما ولسوالۍ کې د کوردر پل د ۱۶ ميليونه افغانيو په ارزښت بشپړ او د نورستان ولايت د مرستیال والي مولوي فیصل مختار، د ياد ولايت د ټولګټو رییس قاري احمد نبي عادل او يو شمېر نورو سيمه اييزو مسولینو په شتون کې ګټې اخیستنې ته وسپارل شو.
دغه پل چې ۲۶ متره اوږدوالی، ۴،۹ متره پلنوالی، دواړو خواو ته ۱۳۳۰متر مکعبه استنادي دېوالونه او پینځه متره لوړوالی لري د رغونې کار یې د ټولګټو وزارت او یو ساختماني شرکت ترمنځ د ۱۶ مليونه افغانيو په ارزښت قرارداد شوی و.
د یاد پل په اساسي رغونې سره د کنړ او نورستان ولايتونو د اوسيدونکو ترانسپورتي ستونزې د پخوا په پرتله هوارې شوي.