د عامې روغتیا سرپرست وزیر ډاکټر قلندر عباد په خپل کاري دفتر کې د ترکمنستان سفیر خواجه غوضوف سره لیدنه کړې.
په دې لیدنه کې د روغتیا او سوداګرۍ په برخه کې د دواړو هېوادونو ترمنځ د ګډې همکارۍ او د نورو روغتیايي موضوعاتو په اړه خبرې شوي.
د عامې روغتیا ښاغلي سرپرست وزیر له افغانستان سره د ترکمنستان هېواد د همکاریو قدردانی کړی او د افغان روغتیايي کارکوونکو د روزنې، د درملو او طبې تجهیزاتو د سوداګرۍ، ناروغانو ته د ویزو د ورکړې په برخه کې د اسانتیاوو د رامنځته کولو او نورو روغتیايي برخو کې د دې هېواد د لا ډېرو مرستو غوښتنه یې کړې.
د ترکمنستان سفیر له افغانستان سره د دې هېواد د همکاریو پر دوام ټینګار کړی او د بادغیس ولایت په بالامرغاب ولسوالۍ کې د یو نوي روغتیايي مرکز له جوړلو خبر یې ورکړی.