د افغانستان فوټبال ملي لوبډله د ۲۰۲۶ نړیوال جام او ۲۰۲۷ اسیا جام غوراوي سیالیو په لړ کې، سبا شپه ۱۱:۳۰ بجې د هند پر وړاندې د لوبې ډګر ته ښکته کیږي.
دغه لوبه د افغانستان په کوربتوب د سعودي عربستان په داماک لوبغالي کې ترسره کیږي.
دغه لوبه به په ژوندۍ او قانوني بڼه پر مليسپورټ خپره شي.
د دې سیالیو دویمه لوبه د هند په کوربتوب د روانې مارچ میاشتې پر ۲۶مه نېټه د هند په ګواهتي ښار کې ترسره کیږي.
تر دې دمه افغان لوبډله له هند سره په ۱۰ سیالیو کې مخامخ شوې، چې پینځه یې هند، یوه یې افغانستان او څلور نورې یې بې پایلې پای ته رسېدلې دي.
د یادونې وړ ده، چې افغانستان د نړیوال جام غوراوي سیالیو خپلې دوه لوبې قطر او کویټ ته بایللې دي او په دې سیالیو کې وروستۍ لوبډله د هند ده، چې په خپل او د سیالې لوبډلې په کوربتوب په دوه لوبو کې مخامخیږي.