د افغانستان اسلامي امارت رییس الوزرا ملا محمد حسن اخوند د ۱۴۰۳ نوي لمریز کال د رارسېدو په مناسبت د ارګ په محوطه کې یو نیالګی کېنولی او د هېواد د ښېرازۍ، نېکمرغۍ او هوساینې لپاره یې دعا کړې.
په دې مراسمو کې د ریاست الوزرا د دفتر لوی رییس ډاکټر ملا عبدالواسع، د ریاست الوزرا د دفتر لوی ریاست د عامه او ستراتېژیکو اړیکو مرستیال قاري عبدالستار سعید، د ریاست الوزرا د دفتر لوی ریاست د منابعو او ادارې مرستیال مفتي سید احمد مستقیم او د اسلامي امارت یو شمېر نورو مسولینو د رییس الوزرا ملتیا کړې.
یاد مراسم د هېوادوالو د خیر او فلاح او د هېواد د هوساینې او زرغونتیا په دعائې سره پایته رسېدلي دي.