د افغانستان اسلامي امارت د ریاست الوزرا سیاسي مرستیال مولوي عبدالکبیر په مشرۍ د اسلامي امارت د سیاسي کمېسیون غونډه شوې.
په دې غونډه کې د هېواد او سیمې پر سیاسي پرمختګونو، وروستیو تحولاتو او له نړۍ سره پر ښو اړيکو د بحث ترڅنګ، له یو شمېر هېوادونو سره د اسلامي امارت د روابطو تر ارزونې وروسته په دې برخه کې د لا پرمختګ په هکله نظرونه شریک شوي دي.
د سیاسي کمېسیون غړو له ګاونډيو هېوادنو سره پر رغنده اړیکو تر بحث وراخوا یادونه کړې، چې اسلامي امارت له ټولو هېوادونو سره د مثبتو اړیکو غوښتونکی دی، خو چاته پر خپله خاوره د تېري او د ملي حاکمیت د نقض اجازه نه ورکوي.
د سیاسي کمېسیون په دې غونډه کې د یو شمېر موضوعاتو په اړه لازمې پریکړې هم شوي دي.