د اوبو او انرژۍ سرپرست وزیر ملا عبداللطیف منصور او د دغه وزارت د اوبو مرستیال مجیب الرحمن عمر آخوندزاده په یوه ناسته کې په افغانستان کې د ملګرو ملتونو د خوړو او کرنې سازمان له ریيس ریچارد ترینچارد سره د دواړو لورو ترمنځ د ګډې همغږۍ او همکارۍ په اړه خبرې کړي.
د اوبو او انرژۍ سرپرست وزیر په دغه ناسته کې، په هېواد کې د پرله پسې وچکاليو او اقلیمي بدلونونو وضعیت ته په اشارې سره د اوبو او انرژي وزارت او نړیوالو سازمانونو ترمنځ د اوبو په سکتور کې ګډه همکاري ارزښتمنه بللې او په دې برخه کې یې په ګډې همغږۍ ټینګار کړی دی.
ورته مهال، د ملګرو ملتونو د خوړو او کرنې سازمان ریيس هم په مرکز او ولایتونو کې د همغږۍ او تخنیکي همکارۍ پياوړتیا د اوبو د مدیریت پروژو د پلي کولو په برخه کې ګټور او اغېزمن بللی او ډاډ یې ورکړی، چې دغه سازمان چمتو دی چې د اوبو سکتور د چارو په پرمخ وړلو کې د اوبو او انرژۍ وزارت سره یو ځای همکاري وکړي.