نیمروز ولایت کې د زرنج ښاروالۍ له لوري په راټولو شویو عوایدو یو سوداګریز مارکېټ جوړ او ګټې اخیستنې ته سپارل شوی دی.
په دې اړه جوړو شویو مراسمو کې د نیمروز ولایت د دفتر ییس انجنیر حامد شاهین د زرنج ښاروال او یو شمېر نورو مسولینو ګډون کړی و.
یادو مسولینو ویلي؛ اوس هغه وخت رارسېدلی، چې د افغانانو له لوري ورکړل شوې هره افغانۍ د هېواد په بیارغونه مصرفیږي او د زرنج ښاروالۍ له عوایدو څخه د یاد سوداګریز مارکېټ پرانیستل د دې خبرې ښکاره بېلګه ده.
ولایتي مسولینو همدارنګه روان لمریز کال په نیمروز ولایت کې د یو شمېر نورو رغنیزو پروژو د پلي کولو ډاډ ورکړی دی.
یاد سوداګریز مارکیټ د څه باندې ۵۷ میلیونه افغانیو په ارزښت جوړ شوی، چې مصرف یې د زرنج ښاروالۍ له بودیجې څخه ورکول شوی دی.