د بلخ ولایت مرکز مزارشریف ښار کې د ۶ لوبډلو ترمنځ د رمضان جام لس اوریزه کرېکټ سیالۍ د بلخ خپلواک لوبډلې په اتلولۍ پای ته ورسېدې.
د افغانستان کرېکټ بورډ کورني کرېکټ پرمختګ څانګې په خپله فېسبوک پاڼه ویلي، د دې سیالیو پایلوبې ته د بلخ خپلواک او ابراهیمخېل لوبډلو لار موندلې وه، چې په پایله کې یي د بلخ خپلواک خپلې سیالې لوبډلې ته ماته ورکړه او اتلولي یې په خپل نوم کړه.
هېره دې نه وي، چې دغه سیالۍ د لوبغاړو د بوخت ساتلو او د با استعداده لوبغاړو موندولو په موخه په لاره اچول شوې وې او یوه اونۍ یې دوام وکړ.
کرېکټ؛ د بلخ رمضان جام سیالۍ د بلخ خپلواک لوبډلې په اتلولۍ پای ته ورسېدې
