د ارشاد، حج او اوقافو وزارت د حج، عمرې او زیارتونو عمومي رييس مولوي عطاءالله خادم له ملي تلویزيون سره په مرکه کې ویلي؛ که څه هم چې د حج سهمیه د هېوادونو د ثبت شويو نفوسو پر بنسټ ورکول کېږي، خو هڅه کوو د افغان حاجيانو سهمیه راتلونکی کال ته نوره هم زیاته کړو.
ښاغلي خادم زیاته کړې، چې سږ کال یې د افغان حاجیانو د لارښوونې لپاره ۶۵۲ ښوونکي ګومارلي او حاجیانو ته یې د ځای، خوړو، ترانسپورټ او روغتیايي خدمتونو اسانتیاوې برابرې کړې دي.
د نوموړي په وینا؛ د حج سهمیه د حج او اوقافو وزارت د میکانیزم پر بنسټ د هېواد ټولو برخو ته په مساوي ډول وېشل شوې ده.
دغهراز د ارشاد، حج او اوقافو وزارت د هېواد ټولو جوماتونو ته د اذان وختونه روښانه کړي، چې له دې پریکړې څخه اهل تشیع وګړي مستثنا دي.