د کرنې، اوبولګولو او مالدارۍ سرپرست وزیر مولوي عطاء الله عمري د احصایې او معلوماتو ملي ادارې له رییس ډاکټر فقیر محمد زیار او د دې ادارې له یو شمېر مسولینو سره لیدنه کړې.
په دې لیدنه کې د دواړو ادارو ترمنځ د همغږۍ په پياوړتيا او د همکاريو په پراختيا، د کرنيزو معلوماتو او احصايې او د دواړو ادارو ترمنځ د جغرافيايي معلوماتو د شريکولو په اړه خبرې شوي دي.
د کرنې سرپرست وزیر د احصایې او معلوماتو ملي ادارې له مسولینو سره یې په بېلابېلو برخو کې د لازمو همکاریو ډاډ ورکړی.
د احصايې او معلوماتو د ملي ادارې رييس او مسولينو د اطلاعاتو د راټولولو او له اطلاعاتو څخه د ګټورې استفادې په برخه کې همغږي مهمه بللې او د دواړو ادارو ترمنځ يې د همکاريو په پراختیا ټینګار کړی.