د تعلیماتو او پرسونل معاونیت اړوند حضرت عبدالله بن مسعود رض د جګړه ایزو ګډو زده کړو قوماندانۍ څخه د بیلا بیلو قطعاتو او جزوتامونو ۹۸۵ تنه ځوان منسوبین له څلور میاشتنیو عقیدوي، پوځي او مسلکي زده کړو ترلاسه کولو وروسته فارغ شوي دي.
په دې اړه جوړو شوو مراسمو کې د چارو ادارې لوی رییس شیخ نورالحق انور، د تعلیماتو او پرسونل مرستیال مولوي بازمحمد حمیدي، د یادې قوماندانۍ قوماندان مولوي نصیب الله مدني، ګڼ شمېر رییسانو، مسولینو او منسوبینو ګډون کړی وو.
یادو مراسمو کې د چارو ادارې لوی رییس ویلي؛ د ویاړ ځای دی چې اوس د هېوادوالو د زورونې پرځای، د هېواد او ملت ساتنې لپاره منسوبین روزل کیږي او په افغاني غرور خپله ازادي ساتي.
له دې ډلې ۳۵۰ تنه فارغین د پنجشېر او بغلان ولایتونو څخه جذب شوي وو.
یادو فارغینو د هېواد په هره سېمه کې د هېوادوالو خدمت ته لیوالتیا ښودلې.