د ریاست الوزرا اداري مرستیال مولوي عبدالسلام حنفي د افغانستان لپاره د ملګرو ملتونو سازمان د ځانګړې استازې مرستیال اندریکا راتوت سره لیدنه کړې.
اندریکا راتوت له افغانانو په ځانګړي ډول د هرات زلزله ځپلو او له بېلابېلو هېوادونو څخه راستنو شویو کډوالو ته د بشري مرستو د وېش په برخه کې د افغانستان اسلامي امارت د همکاریو د مننې ترڅنګ د سراسري امنیت، د نشه یي توکو د قاچاق، سوداګرۍ او استمال او د اداري فساد د مخنیوي هرکلی کړی دی.
د ملګرو ملتونو د ځانګړې استازې مرستیال ویلي؛ له افغانانو سره د نړیوالې ټولنې مرستې به دوام ولري او د مسولینو څخه یې غوښتي، چې اړمنو افغانانو ته د دې مرستو په رسولو کې همکاري وکړي.
نوموړي زیاته کړې؛ د ګاونډیو هېوادونو له لوري په زور د کډوالو وېستل د کډوالۍ د نړیوالو قوانینو خلاف دي.
د ریاست الوزرا اداري مرستیال له افغانانو سره د بین المللي ټولنې د همکاریو قدرداني کړی.
مولوي عبدالسلام حنفي ویلي؛ له ګاونډیو هېوادونو څخه په زور د افغان کډوالو را وېستلو پروسه د ټولو نورمونو خلاف ترسره کېږي او د اسلامي امارت مسولین مستحقینو ته د بشري مرستو رسولو پروسه کې له بین المللي سازمانونو او مرسته کوونکو سازمانونو سره همکار دي.