څه موده وړاندې د کابل ولایت د فوټبال فدراسیون له لوري د ۳۲ لوبډلو ترمنځ د کابل په کچه دغوره څېرو موندلو په موخه پیل شوې، د فوټبال رمضان جام سیالۍ د اتحاد لوبډلې په اتلولۍ پای ته ورسېدې.
دغه سیالۍ د ۳۲ لوبډلو ترمنځ په ناکاوټ/حذفي بڼه ترسره شوې، چې نږدې ۱۸ ورځې یې دوام وکړ.
د دې سیالیو پایلوبې ته اتحاد او امرخېل لوبډلو لار موندلې وه، چې لوبه په خپل قانوني وخت کې مساوی پای ته ورسېده، خو په پنالتیانو کې اتحاد لوبډلې وکولای شول خپلې سیالې لوبډلې ته ۵ ـ ۴ ګولونو په توپیر ماته ورکړي او د یادو سیالیو اتلولي په خپل نوم کړي.
فوټبال؛ د کابل رمضان جام فوټبال سیالۍ د اتحاد لوبډلې په بریا پای ته ورسېدې
