د کور او ښار جوړولو وزير شيخ حمدالله نعماني په مشرۍ د کورنيو چارو وزارت، د کرنې وزارت، لوى نظارت او د استخباراتو استازو په غړيتوب ګډ پلاوي بلخ ولايت ته سفر کړی.
دغه سفر د رياست الوزرا مقام د (٧٠٩) ګڼه حکم د پلي کېدو په موخه ترسره شوی.
د کور او ښار جوړولو وزير شيخ حمدالله نعماني بلخ ولايت ته د رسېدو سره سم د یاد ولايت له مرستيال والي مولوي نورالهادي ابو ادريس، د کرنې ریيس حافظ محمد موسى مبين، د بلخ ښاروالۍ مرستيال مولوي محمد نسيم عابد او د دغه ښاروالۍ له انجنيرانو سره لیدنه کړې.
په دې لیدنه کې، د یاد ولايت د ښارونو ښارګوټو د وضعيت، ځمکې او اسنادو په اړه خبرې او دلايل وړاندې شوې دي.
د یادونې وړ ده، چې د دغه سفر موخه بلخ ولايت کې د ښارونو ښارګوټي او د عامو خلکو ستونزې حل او هر لوري ته خپل حق رسیدل دي.