د لوړو زدهکړو سرپرست وزیر د هېواد تحصیلي بنسټونو د جیولوجي او معدن، ځمک پېژندنې او چاپېریال ساتنې پوهنځيو د تحصیلي نصاب د بیا کتنې او پراختیا لومړي دور کلسټر د کار له جریان څخه لیدنه کړې.
ښاغلي ندیم د دې لیدنې په لړ کې د معیاري، واحد او له نړیوالو معیارونو سره سم تحصیلي نصاب د ارزښت په اړه خبرې کړې.
لوړو زدهکړو وزارت ویلي؛ د دې کلسټر لپاره د هېواد دولتي او خصوصي تحصیلي بنسټونو سربېره د اړوندو ادارو متخصصین هم رابلل شوي، چې د ۵ ورځو په جریان کې به د یادو پوهنځیو پر تحصیلي نصاب تخصصي بحثونه وکړي.