ایران کې د لاریونونو پراختیا سره هم مهاله د دغه هېواد ولسمشر ابراهیم ریسي د لاریونونو دوام د امریکا دپلان یوه برخه بللې او په وینا یې موخه یې د سوریې په شان پر یوه ویجاړ هېواد د یران بدلیدل دي.
په داسې حال کې چې د مهسا امیني له وژل کېدو شاوخوا درې میاشتې تېريږي خو د ایران په بېلابېلو ښارونو کې لاریونونه او اعتصابونه روان دي او په ټولنیزو شبکو کې له خپرو شویو ویډیوګانو ښکاري، چې د تهران ښار ډېری هټیوال له دغو اعتراضونو سره یوځای شوي دي.
عینې وخت کې ایراني وګړي وایي، چې دغه هېواد کې د انترنیټ پرې کېدو ستونزه لاهم نه ده هواره شوې او ټولنیزو رسنیو ته لاسرسی خورا ګران دی.
ابراهیم رییسي: ایران کې روان لاریونونه د امریکا لخوا پلان شوي دي
