د ریاست الوزرا اداري مرستیال مولوي عبدالسلام حنفي، په مشرۍ د تشکیلاتو او معاشاتو د تنظیم کمېسیون پلاوي د کابل د پلچرخي زندان وضعیت ارزولی دی.
د یاد پلاوي له لوري د پلچرخي زندان د ټولو بندیانو روغتیايي وضعیت، خدماتي چارې، حقوقي او شرعي مسایل ارزول شوي دي.
ویل کیږي مسوولینو ته لارښوونه شوې چې له بندیانو سره د اسلامي شریعت او د هغوی د شرعي حقونو سره سم چلند وکړي او د هغوی د اساسي اړتیاوو د پوره کولو لپاره عملي اقدامات ترسره کړي.