د کانونو او پترولیم وزارت وایي، د دې وزارت هیأت چین ته د خپل سفر په ترڅ کې د یاد هېواد د کاني زېرمو د استخراج په کنفرانس کې له ګډون وروسته، په دویمه ورځ د افغانستان په کانونو کې د پانګونې فرصتونو ترعنوان لاندې سمینار د یاد هېواد او نورو بېلابېلو هېوادونو وزیرانو په شتون کې وړاندې کړی.
دغه وزارت زیاته کړی، چې په دغه سمینار کې د افغانستان د کاني زېرمو د ارزښت، نفت او ګازو، د پانګونې فرصتونو، بهرنیو پانګوالو او شرکتونو ته د پانګونې مناسب چاپیریال برابرولو او نورو بېلابېلو برخو باندې خبرې وشوې.
د یادونې وړ ده چې په دغه کنفرانس کې د ۷۰ هېوادونو استازو ګډون کړي و او د کانونو په بېلابېلو برخو باندې بحث او خبرې وشوې.