د الجزیرې خبري شبکې د راپورونو له مخې، حماس غورځنګ یوه لوړپوړي چارواکي خلیل الحیه د جمعې له لمانځه وروسته ویلي، چې د یحیی السنوار او د دغه غورځنګ د نورو پخوانیو مشرانو شهادت حماس لا پیاوړی کوي.
ښاغلي الحیه ټینګار کړی چې تر هغه وخته پورې چې د صهیونیستي رژیم ځواکونه له غزې نه وي ووتلي او د دغې تړانګې کلابندي پای ته نه وي رسېدلې، اسراییلي اسیران به خپلو کورونو ته نه ګرځي.
د یادولو وړ ده چې څو موده وړاندې، د حماس د سیاسي دفتر پخوانی مشر ډاکټر اسماعیل هنیه په ایران کې د صهیونیستي رژیم په هدفي برید کې شهید شو.