د عامې روغتیا وزیر مولوي نور جلال جلالي په خپل کاري دفتر کې د افغانستان لپاره د (UNDP) سازمان له مشر سټیفن روډرېک سره لیدنه وکړه.
په دې لیدنه کې د روغتیايي مرکزونو لپاره د لمریزې برېښنا سیسټم جوړولو پر همغږۍ، د مراکزو د انتخاب پر څرنګوالي، د ملاریا، توبرکلوز او اېچ آی وي ناروغیو د مخنیوي، د اړوندو روغتیايي خدماتو د بیا کتنې او شفافیت په اړه خبرې وشوې.
د عامې روغتیا وزیر د یاد سازمان له همکارۍ څخه په مننې د لرې پرتو سیمو لپاره د روغتیايي خدماتو، د اړمنو سیمو او روغتیايي مرکزونو لپاره د لمریزې برېښنا سیستم جوړولو او د ساري ناروغیو په کنټرول کې د یو این ډي پي همکاري او همغږي اړینه وګڼله.
مولوي نور جلال جلالي په ټولو خدماتو کې یې د شفافیت او حساب ورکوونې اصل په نظر کې نیولو سره د خدماتو وړاندې کول اغېزمن وبلل.
دغه راز، د یو این ډي پي سازمان مشر شفافیت او حساب ورکوونه خپل لمړیتوب وباله او په وینا یې د افغانستان روغتیايي سیستم سره به په دوامداره توګه همکار اوسي.