د باغيس ولايت په مقر ولسوالۍ کې د دوو سيمه ييزو کورنيو ترمنځ د يو لړ کورني جنجالونو له امله را پورته شوې دوه کلنه شخړه، چې دواړو خواوو ته یې د تاو تريخوالي لويې ستونزې پيښې کړې وې حل او دښمني يې په دوستي بدله شوه.
د ياد ولايت د سرحدونو، قومونو او قبايلو چارو ریيس مولوي محمد قاسم ضمير په مشري د سيمه ييزو علماوو، متنفذينو او قومي مشرانو په هلو ځلو يادې کورنۍ سولې ته راضي شوې او ترمنځ يې د مسولينو له لوري د عدل فیصله وشوه.
هېره دې نه وي، چې د سرحدونو، قومونو او قبايلو چارو وزارت د خپلو محلي ادارو په همکارۍ د هېواد په ګوټ ګوټ کې دې ته ورته ولسي شخړې هواروي، چې د عامو خلکو د خوښي سبب ګرځي.