د اسلامي امارت له بیا واکمنېدو وروسته ملي دفاع وزارت مهم پرمختګونه کړي او په بېلابېلو برخو کې ګڼې لاسته راوړنې لري، چې په لاندې توګه اشاره ورته کوو.
– ملي دفاع وزارت د ۲ میلیونه، ۳۱۴ زره او ۸۰۰ امنیتي تدابیرو، ګزمو، کمینونو، تلاشۍ، تصفیوي عملیاتو او اکمالاتي فعالیتونو لپاره پلان جوړ او عملي کړی.
– ۸۳۰ بېلابېل ډوله موټر کشف او ضبط شوي.
– ۸ زره او ۳۵۹ ميله سپکې او ٣٤٢ ميله درنې وسلې، ۲ زره او ۳۸٦ کړۍ ماینونه، ۳۰۷ پایې مخابرې،۷۲۰ دوربینونه، ۲ زره او ۳۹۱ موټرسایکلونه، ۱۸۲۷ کیلوګرامه چاودېدونکي توکي، ٦١٢ لاسي بمونه او د زیات شمېر نورو مهماتو ترلاسه کول د دې وزارت له مهمو لاستهراوړنو څخه شمېرل کېږي.
– په سرحدي سیمو او د ډیورنډ فرضي کرښې په اوږدو کې د ۱۰۸۶/۱ کیلومتره نوي سړکونو جوړ شوي.
– د ایران، پاکستان، تاجیکستان، ترکمنستان، اوزبیکستان او چین له هېوادونو سره د همږغۍ ۱۳ مرکزونو جوړ شوي.
– له حضرت ابوعبیده بن جراح (رض) د ملي دفاع له پوهنتون څخه ۴ زره او ۹۲۱ افسران فارغ شوي.
– د حضرت عبدالله بن مسعود (رض) د ګډو جګړهییزو زده کړو له قومندانۍ څخه ۲۶ زره او ۵۰۰ سرتېري فارغ شوي.
– د ځانګړو قطعو په ګډون د مسلکي او تقویتي بنسټیزو زده کړو له مرکزونو څخه ۵۸ زره او ۱۴۳ سرتېري فارغ شوي.
– د اسلامي ملي اردو په لیکو کې د پنجشیر، بغلان او تخار ولایتونو یو زره او ۳۵۹ پر شرایطو برابر کسان جذب شوي.
– ۱۹ زره او ۴۹۴ بریدملانو او سرتېرو ته د سواد زده کړې پروګرامونو جوړ شوي.
– د انجنیري په بېلابېلو برخو کې ۲ زره او ۱۲۹ سرتېرو ته تخصصي کورسونه جوړ شوي.
– په قطعاتو او جزوتامونو کې ۲۰۰ مدرسې جوړې شوې او له لویې او وړې دورې څخه ۱۶ زره او ۱۵۱ نظامیان فارغ شوي دي.
– همدارنګه ملي دفاع وزارت په دې موده کې د هوایي ځواکونو او هوایي دفاع عمومي قومندانۍ لخوا ۱۴ زره او ۵۷۴ وظیفوي او تعلیمي الوتنې کړې دي.
– له اوږدې وقفې وروسته د هوایي ځواک او هوایي دفاع پوهنتون فعالیت بېرته پیل شوی.
– د ۲۴ مجاهدینو لپاره د پیلوټۍ نظري زده کړې بشپړې شوې اوعملي زده کړو ته ور پېژندل شوي.
– ۲ زره او ۷۷۳ کسان د هوایي مسلکي ظرفیت لوړونې له بېلابېلو کورسونو فارغ شوي.
– ۱۱۵ بېلابېل وسایط په تورخم بندر کې د کډوالو د لېږد لپاره په دوامدار ډول ګمارل شوي.
– د طبیعي پېښو له امله له زیانمنو شویو ۳ زره او ۵۸۶ کورنیو سره ۲۹ میلیونه، ۲۴۱ زره او ۳۸۵ افغانۍ نغدې مرستې شوې.
– د کرنې وزارت اړوند ۱۳ زره او ۴۰۹ ټنه غنم د ۹۵۱ عراده وسایطو له لارې انتقال شوي.
سربېره پر دې ملي دفاع وزارت د مرکز او ټول ساحوي روغتونونه فعال او په وړیا توګه مجهز کړي، تر څو معیاري روغتیايي خدمات وړاندې کړي.