د لوړو زدهکړو وزیر شیخ ندا محمد ندیم پکتيکا ته د سفر پر مهال د دغه ولايت په پوهنتون کې د ۳۸۴ محصلينو فراغت غونډه کې ګډون او وینا کړې ده.
نوموړي زدهکړيالانو ته په خطاب کې ویلي، چې لوستي ځوانان دې د فکري جګړې پر وړاندې سنګرونه پیاوړي کړي.
شیخ ندا محمد ندیم زیاته کړې، ځوانانو ته به د دوی د وړتياوو پر اساس په ادارو کې د دندو زمينه برابره شي.
ياده فراغت غونډه کې د پکتیکا سیمهییزو چارواکو، قومي مشرانو او ګڼ شمېر ځوانانو ګډون درلود.