پنجشېر کې د سرحدونو، قومونو او قبایلو چارو وزارت له لوري جوړه شوې غونډه کې د یاد ولایت مرکز او ولسوالیو قومي مشرانو، ځوانانو او علمای کرامو سربېره د وزارت د جرګو او قبایلي چارو د هغمږۍ مرستیال ملا عبدالخالق عابد، د جرګو رییس شیخ حضرت ولي حقاني، مل پلاوي، د پنجشېر والي محمداغا حکیم، ګڼو مسولینو او د رسینو استازو ګډون درلود.
د پنجشېر والي ویلي، افغانان یوازینی ملت دی چې د چا غلامي نه مني او په هر دور کې د اسلامي نظام تر چتر لاندې په یووالي را ټول شوي دي.
قومي مشرانو ویلي؛ ټول افغانان نور له جنګه ستړي دي، د افغانانو روښانه راتلونکې لپاره په کار ده چې نور د هیچا په وعدو او خبرو ونه غولېږي.
نوموړو له اسلامي امارت څخه خوښ دي، چې د خلکو امنیت په ساتنې ته یې پوره پاملرنه کړې.
د جرګو او قبایلي چارو د همغږۍ مرستیال ویلي؛ خپلواکي او امنیت پخپله نه راځي، بلکې دا د همدې ولسونو او نظام لاسته راوړنه ده او د هېواد ټول وګړي ورته یو شان ارزښت لري.
د جرګو رییس قومونو ته په اشارې سره ویلي، د افغانستان متدین او باتور خلک به هیڅ قدرت ته اجازه ور نکړي چې د دې هېواد فرهنګ او قربانیو ته په سپکه سترګه وګوري.