تهران کې د افغانستان سفیر مولوي فضل محمد حقانی چابهار ازادې سیمې ته د خپل سفر په ترڅ کې د شهید بهشتي له بندر او د نګین مکران د پېټروکیمیايي تصدیو کمپلیکس څخه لیدنه کړې.
تهران کې د افغانستان سفارت وايي، چې د دې لیدنې پرمهال د یادو مرکزونو مسولینو مولوي فضل محمد حقاني ته د چابهار بندر له لارې د ترانزیت ظرفیتونو، د پانګونې فرصتونو او اقتصادي همکاریو په اړه معلومات ورکړي او د بندر د شته ظرفیتونو په چوکاټ کې یې له افغان سوداګرو سره د همکارۍ لپاره پر خپل چمتووالي ټینګار کړی دی.