د چین د بهرنیو چارو وزارت تېره ورځ (جمعه، ډسمبر ۲۶ مه) په یوه خبرپاڼه کې اعلان وکړ، چې پر ټایوان د واشنګټن د وسلو د پلورولو په مقابل کې يې د امریکا پر دفاعي شرکتونو او مسوولینو بندیز لګولی دی.
د چینايي رسنیو د راپورونو له مخې، په دغه بندیز کې د امریکا له پوځ سره تړلي ۲۰ شرکتونه او د هغوی ۱۰ لوړپوړي مسولین شامل دي.
دا ګام د بیجینګ له لوري د واشنګټن د هغه ۱۱.۱ میلیارد ډالري بستې پر وړاندې د غچاخیستنې په توګه ترسره شوی، چې ټایوان ته ځانګړې شوې ده. د چین د بهرنیو چارو وزارت ویلي، چې د امریکا دا اقدام د چین په کورنیو چارو کې لاسوهنه ده او د دې هېواد د حاکمیت او ځمکنۍ بشپړتیا د کمزورې کولو هڅه بلل کېږي