د ټولګټو وازرت له لوري د نورستان ولایت اړوند د پارون ۔ کنړ عمومي مسیر په اوږدو کې د کوردر ٢٥ متره پل او ١٦٣ متره استنادي دیوال د بیارغونې چارې د یاد ولایت والي، د ټولګټو رییس او یو شمېر سیمه اییزو مسولينو په شتون کې پیل شوي.
یاد پل چې ۲۵ متره اوږدوالی او نهه متره پلنوالی لري، د ترمیم او بیارغونې چارې یې د ټولګټو وزارت او یو شخصي سړک جوړونې شرکت ترمنځ د څه باندې ۲.۵ میلیونه افغانیو په ارزښت قرارداد شوی، چې لګښت یې د یاد وزارت له بودیجې څخه ورکول کیږي.
د دغې ترمیماتي پروژې کار په جریان کې به د سیمې یو شمېر اوسېدونکو ته د کار زمینه برابره شي او د کار له بشپړېدو سره به یې د خلکو ټرانسپورټي ستونزې هوارې شي.