د یوه فلسطیني چارواکي په وینا، څه باندې ۱۰۰۰ اسرائیلي میشتي په اشغال شوي ختیځ بیت المقدس کې د یهودانو د رخصتۍ د پنځمې ورځې د نمانځلو په موخه په اشغال شوي ختیځ بیت المقدس کې د الاقصی جومات ودانۍ ته ننوتل.
دبرید کوونکو شمېر شاوخوا یو زر او ۴۰ ته رسیدلی وو.
نوموړي زیاته کړې، چې اوسیدونکي د الاقصی جومات په لویدیځ دیوال کې د المغرابي دروازې له لارې په ډلو کې ننوتل او هڅه یې کوله چې د “تلمودي رسم” ترسره کړي.
عیني شاهدانو ویلي، پولیسو د عمر محدودیتونه وضع کړي او ځوان فلسطینیان یې د یرغل په وخت کې جومات ته د ننوتو څخه منع کړي دي.
الاقصی جومات د مسلمانانو لپاره د نړۍ دریم مقدس ځای دی.
یهودان دې سیمې ته د تیمپل ماونټ نوم ورکوي او ادعا کوي، چې دا په پخوانیو وختونو کې د دوه یهودي معبدونو ځای و.