د پاکستان د جمعیت علمای اسلامي ګوند مشر مولانا فضل الرحمن د پاکستان پوځي رژیم د امریکا او اسرائیلو پر ملاتړ تورن کړی دی.
فضل الرحمن ویلي: «د پاکستان حکومت د خپلو ناوړه سیاستونو په پلي کولو سره غواړي د اسرائیلو اشغالګر رژیم خوندیتوب او په اسلامي نړۍ کې د امریکا روانې ټولوژنې او چور او تالان ته زمېنه برابره کړي.»
د پاکستان جمعیت علمای اسلامي ګوند مشر په وینا، چې د پاکستان د اوسني حکومت د دغو ناوړه سیاستونو پر وړاندې د راونې فبروري میاشتې پر ۱۲ مه نېټه له مردان څخه سیاسي مبارزه پیلوي، چې نورو سیمو ته به یې هم پراخه کړي.