د عمان د بهرنیو چارو وزیر بدر بن حمد البوسعیدي له ایراني چارواکو سره د خبرو په موخه تهران ته سفر کړی.
د ایران د بهرنیو چارو وزارت وایي، ښاغلي البوسعیدي د دې هېواد د بهرنیو چارو له وزیر سید عباس عراقچي سره کتلي او د دوه اړخیزو اړیکو او د سیمې او نړۍ د بدلونونو په تړاو یې ورسره خبرې کړي.
د دې وزارت د خبرپاڼې له مخې، دواړو لوریو د اقتصاد، سوداګرۍ، پانګونې، انرژۍ او ګرځندویۍ برخه کې د دوه اړخیزو اړیکو پر پراختیا ټینګار کړی دی.